श्रीमातङ्गीशतनामस्तोत्रम्
श्रीभैरव्युवाच –
भगवञ्छ्रोतुमिच्छामि मातङ्ग्याः शतनामकम् ।
यद्गुह्यं सर्वतन्त्रेषु केनापि न प्रकाशितम् ॥ १॥

भैरव उवाच –
शृणु देवि प्रवक्ष्यामि रहस्यातिरहस्यकम् ।
नाख्येयं यत्र कुत्रापि पठनीयं परात्परम् ॥ २॥

यस्यैकवारपठनात्सर्वे विघ्ना उपद्रवाः ।
नश्यन्ति तत्क्षणाद्देवि वह्निना तूलराशिवत् ॥ ३॥

प्रसन्ना जायते देवी मातङ्गी चास्य पाठतः ।
सहस्रनामपठने यत्फलं परिकीर्तितम् ।
तत्कोटिगुणितं देवीनामाष्टशतकं शुभम् ॥ ४॥

अस्य श्रीमातङ्गीशतनामस्तोत्रस्य भगवान्मतङ्ग ऋषिः
अनुष्टुप् छन्दः मातङ्गी देवता मातङ्गीप्रीतये जपे विनियोगः ।
महामत्तमातङ्गिनी सिद्धिरूपा तथा योगिनी भद्रकाली रमा च ।
भवानी भवप्रीतिदा भूतियुक्ता भवाराधिता भूतिसम्पत्करी च ॥ १॥

धनाधीशमाता धनागारदृष्टिर्धनेशार्चिता धीरवापीवराङ्गी ।
प्रकृष्टप्रभारूपिणी कामरूपप्रहृष्टा महाकीर्तिदा कर्णनाली ॥ २॥

कराली भगा घोररूपा भगाङ्गी भगाह्वा भगप्रीतिदा भीमरूपा ।
भवानी महाकौशिकी कोशपूर्णा किशोरीकिशोरप्रियानन्द ईहा ॥ ३॥

महाकारणाकारणा कर्मशीला कपालिप्रसिद्धा महासिद्खण्डा ।
मकारप्रिया मानरूपा महेशी महोल्लासिनीलास्यलीलालयाङ्गी ॥ ४॥

क्षमाक्षेमशीला क्षपाकारिणी चाक्षयप्रीतिदा भूतियुक्ता भवानी ।
भवाराधिता भूतिसत्यात्मिका च प्रभोद्भासिता भानुभास्वत्करा च ॥ ५॥

धराधीशमाता धरागारदृष्टिर्धरेशार्चिता धीवराधीवराङ्गी ।
प्रकृष्टप्रभारूपिणी प्राणरूपप्रकृष्टस्वरूपा स्वरूपप्रिया च ॥ ६॥

चलत्कुण्डला कामिनी कान्तयुक्ता कपालाचला कालकोद्धारिणी च ।
कदम्बप्रिया कोटरीकोटदेहा क्रमा कीर्तिदा कर्णरूपा च काक्ष्मीः ॥ ७॥

क्षमाङ्गी क्षयप्रेमरूपा क्षपा च क्षयाक्षा क्षयाह्वा क्षयप्रान्तरा च ।
क्षवत्कामिनी क्षारिणी क्षीरपूर्णा शिवाङ्गी च शाकम्भरी शाकदेहा ॥ ८॥

महाशाकयज्ञा फलप्राशका च शकाह्वा शकाह्वाशकाख्या शका च ।
शकाक्षान्तरोषा सुरोषा सुरेखा महाशेषयज्ञोपवीतप्रिया च ॥ ९॥

जयन्ती जया जाग्रतीयोग्यरूपा जयाङ्गा जपध्यानसन्तुष्टसंज्ञा ।
जयप्राणरूपा जयस्वर्णदेहा जयज्वालिनी यामिनी याम्यरूपा ॥ १०॥

जगन्मातृरूपा जगद्रक्षणा च स्वधावौषडन्ता विलम्बाविलम्बा ।
षडङ्गा महालम्बरूपासिहस्ता पदाहारिणीहारिणी हारिणी च ॥ ११॥

महामङ्गला मङ्गलप्रेमकीर्तिर्निशुम्भच्छिदा शुम्भदर्पत्वहा च ।
तथाऽऽनन्दबीजादिमुक्तस्वरूपा तथा चण्डमुण्डापदामुख्यचण्डा ॥ १२॥

प्रचण्डाप्रचण्डा महाचण्डवेगा चलच्चामरा चामराचन्द्रकीर्तिः ।
सुचामीकराचित्रभूषोज्ज्वलाङ्गी सुसङ्गीतगीता च पायादपायात् ॥ १३॥

इति ते कथितं देवि नाम्नामष्टोत्तरं शतम् ।
गोप्यञ्च सर्वतन्त्रेषु गोपनीयञ्च सर्वदा ॥ १४॥

एतस्य सतताभ्यासात्साक्षाद्देवो महेश्वरः ।
त्रिसन्ध्यञ्च महाभक्त्या पठनीयं सुखोदयम् ॥ १५॥

न तस्य दुष्करं किञ्चिज्जायते स्पर्शतः क्षणात् ।
स्वकृतं यत्तदेवाप्तं तस्मादावर्तयेत्सदा ॥ १६॥

सदैव सन्निधौ तस्य देवी वसति सादरम् ।
अयोगा ये तवैवाग्रे सुयोगाश्च भवन्ति वै ॥ १७॥

त एवमित्रभूताश्च भवन्ति तत्प्रसादतः ।
विषाणि नोपसर्पन्ति व्याधयो न स्पृशन्ति तान् ॥ १८॥

लूताविस्फोटकास्सर्वे शमं यान्ति च तत्क्षणात् ।
जरापलितनिर्मुक्तः कल्पजीवी भवेन्नरः ॥ १९॥

अपि किं बहुनोक्तेन सान्निध्यं फलमाप्नुयात् ।
यावन्मया पुरा प्रोक्तं फलं साहस्रनामकम् ।
तत्सर्वं लभते मर्त्यो महामायाप्रसादतः ॥ २०॥

इति श्रीरुद्रयामले मातङ्गीशतनामस्तोत्रं सम्पूर्णम् ॥

ಶ್ರೀಮಾತಂಗೀಶತನಾಮಸ್ತೋತ್ರಂ

ಶ್ರೀಭೈರವ್ಯುವಾಚ –
ಭಗವಂಛ್ರೋತುಮಿಚ್ಛಾಮಿ ಮಾತಂಗ್ಯಾಃ ಶತನಾಮಕಂ .
ಯದ್ಗುಹ್ಯಂ ಸರ್ವತಂತ್ರೇಷು ಕೇನಾಪಿ ನ ಪ್ರಕಾಶಿತಂ .. 1..

ಭೈರವ ಉವಾಚ –
ಶೃಣು ದೇವಿ ಪ್ರವಕ್ಷ್ಯಾಮಿ ರಹಸ್ಯಾತಿರಹಸ್ಯಕಂ .
ನಾಖ್ಯೇಯಂ ಯತ್ರ ಕುತ್ರಾಪಿ ಪಠನೀಯಂ ಪರಾತ್ಪರಂ .. 2..

ಯಸ್ಯೈಕವಾರಪಠನಾತ್ಸರ್ವೇ ವಿಘ್ನಾ ಉಪದ್ರವಾಃ .
ನಶ್ಯಂತಿ ತತ್ಕ್ಷಣಾದ್ದೇವಿ ವಹ್ನಿನಾ ತೂಲರಾಶಿವತ್ .. 3..

ಪ್ರಸನ್ನಾ ಜಾಯತೇ ದೇವೀ ಮಾತಂಗೀ ಚಾಸ್ಯ ಪಾಠತಃ .
ಸಹಸ್ರನಾಮಪಠನೇ ಯತ್ಫಲಂ ಪರಿಕೀರ್ತಿತಂ .
ತತ್ಕೋಟಿಗುಣಿತಂ ದೇವೀನಾಮಾಷ್ಟಶತಕಂ ಶುಭಂ .. 4..

ಅಸ್ಯ ಶ್ರೀಮಾತಂಗೀಶತನಾಮಸ್ತೋತ್ರಸ್ಯ ಭಗವಾನ್ಮತಂಗ ಋಷಿಃ
ಅನುಷ್ಟುಪ್ ಛಂದಃ ಮಾತಂಗೀ ದೇವತಾ ಮಾತಂಗೀಪ್ರೀತಯೇ ಜಪೇ ವಿನಿಯೋಗಃ .
ಮಹಾಮತ್ತಮಾತಂಗಿನೀ ಸಿದ್ಧಿರೂಪಾ ತಥಾ ಯೋಗಿನೀ ಭದ್ರಕಾಲೀ ರಮಾ ಚ .
ಭವಾನೀ ಭವಪ್ರೀತಿದಾ ಭೂತಿಯುಕ್ತಾ ಭವಾರಾಧಿತಾ ಭೂತಿಸಂಪತ್ಕರೀ ಚ .. 1..

ಧನಾಧೀಶಮಾತಾ ಧನಾಗಾರದೃಷ್ಟಿರ್ಧನೇಶಾರ್ಚಿತಾ ಧೀರವಾಪೀವರಾಂಗೀ .
ಪ್ರಕೃಷ್ಟಪ್ರಭಾರೂಪಿಣೀ ಕಾಮರೂಪಪ್ರಹೃಷ್ಟಾ ಮಹಾಕೀರ್ತಿದಾ ಕರ್ಣನಾಲೀ .. 2..

ಕರಾಲೀ ಭಗಾ ಘೋರರೂಪಾ ಭಗಾಂಗೀ ಭಗಾಹ್ವಾ ಭಗಪ್ರೀತಿದಾ ಭೀಮರೂಪಾ .
ಭವಾನೀ ಮಹಾಕೌಶಿಕೀ ಕೋಶಪೂರ್ಣಾ ಕಿಶೋರೀಕಿಶೋರಪ್ರಿಯಾನಂದ ಈಹಾ .. 3..

ಮಹಾಕಾರಣಾಕಾರಣಾ ಕರ್ಮಶೀಲಾ ಕಪಾಲಿಪ್ರಸಿದ್ಧಾ ಮಹಾಸಿದ್ಖಂಡಾ .
ಮಕಾರಪ್ರಿಯಾ ಮಾನರೂಪಾ ಮಹೇಶೀ ಮಹೋಲ್ಲಾಸಿನೀಲಾಸ್ಯಲೀಲಾಲಯಾಂಗೀ .. 4..

ಕ್ಷಮಾಕ್ಷೇಮಶೀಲಾ ಕ್ಷಪಾಕಾರಿಣೀ ಚಾಕ್ಷಯಪ್ರೀತಿದಾ ಭೂತಿಯುಕ್ತಾ ಭವಾನೀ .
ಭವಾರಾಧಿತಾ ಭೂತಿಸತ್ಯಾತ್ಮಿಕಾ ಚ ಪ್ರಭೋದ್ಭಾಸಿತಾ ಭಾನುಭಾಸ್ವತ್ಕರಾ ಚ .. 5..

ಧರಾಧೀಶಮಾತಾ ಧರಾಗಾರದೃಷ್ಟಿರ್ಧರೇಶಾರ್ಚಿತಾ ಧೀವರಾಧೀವರಾಂಗೀ .
ಪ್ರಕೃಷ್ಟಪ್ರಭಾರೂಪಿಣೀ ಪ್ರಾಣರೂಪಪ್ರಕೃಷ್ಟಸ್ವರೂಪಾ ಸ್ವರೂಪಪ್ರಿಯಾ ಚ .. 6..

ಚಲತ್ಕುಂಡಲಾ ಕಾಮಿನೀ ಕಾಂತಯುಕ್ತಾ ಕಪಾಲಾಚಲಾ ಕಾಲಕೋದ್ಧಾರಿಣೀ ಚ .
ಕದಂಬಪ್ರಿಯಾ ಕೋಟರೀಕೋಟದೇಹಾ ಕ್ರಮಾ ಕೀರ್ತಿದಾ ಕರ್ಣರೂಪಾ ಚ ಕಾಕ್ಷ್ಮೀಃ .. 7..

ಕ್ಷಮಾಂಗೀ ಕ್ಷಯಪ್ರೇಮರೂಪಾ ಕ್ಷಪಾ ಚ ಕ್ಷಯಾಕ್ಷಾ ಕ್ಷಯಾಹ್ವಾ ಕ್ಷಯಪ್ರಾಂತರಾ ಚ .
ಕ್ಷವತ್ಕಾಮಿನೀ ಕ್ಷಾರಿಣೀ ಕ್ಷೀರಪೂರ್ಣಾ ಶಿವಾಂಗೀ ಚ ಶಾಕಂಭರೀ ಶಾಕದೇಹಾ .. 8..

ಮಹಾಶಾಕಯಜ್ಞಾ ಫಲಪ್ರಾಶಕಾ ಚ ಶಕಾಹ್ವಾ ಶಕಾಹ್ವಾಶಕಾಖ್ಯಾ ಶಕಾ ಚ .
ಶಕಾಕ್ಷಾಂತರೋಷಾ ಸುರೋಷಾ ಸುರೇಖಾ ಮಹಾಶೇಷಯಜ್ಞೋಪವೀತಪ್ರಿಯಾ ಚ .. 9..

ಜಯಂತೀ ಜಯಾ ಜಾಗ್ರತೀಯೋಗ್ಯರೂಪಾ ಜಯಾಂಗಾ ಜಪಧ್ಯಾನಸಂತುಷ್ಟಸಂಜ್ಞಾ .
ಜಯಪ್ರಾಣರೂಪಾ ಜಯಸ್ವರ್ಣದೇಹಾ ಜಯಜ್ವಾಲಿನೀ ಯಾಮಿನೀ ಯಾಮ್ಯರೂಪಾ .. 10..

ಜಗನ್ಮಾತೃರೂಪಾ ಜಗದ್ರಕ್ಷಣಾ ಚ ಸ್ವಧಾವೌಷಡಂತಾ ವಿಲಂಬಾವಿಲಂಬಾ .
ಷಡಂಗಾ ಮಹಾಲಂಬರೂಪಾಸಿಹಸ್ತಾ ಪದಾಹಾರಿಣೀಹಾರಿಣೀ ಹಾರಿಣೀ ಚ .. 11..

ಮಹಾಮಂಗಲಾ ಮಂಗಲಪ್ರೇಮಕೀರ್ತಿರ್ನಿಶುಂಭಚ್ಛಿದಾ ಶುಂಭದರ್ಪತ್ವಹಾ ಚ .
ತಥಾಽಽನಂದಬೀಜಾದಿಮುಕ್ತಸ್ವರೂಪಾ ತಥಾ ಚಂಡಮುಂಡಾಪದಾಮುಖ್ಯಚಂಡಾ .. 12..

ಪ್ರಚಂಡಾಪ್ರಚಂಡಾ ಮಹಾಚಂಡವೇಗಾ ಚಲಚ್ಚಾಮರಾ ಚಾಮರಾಚಂದ್ರಕೀರ್ತಿಃ .
ಸುಚಾಮೀಕರಾಚಿತ್ರಭೂಷೋಜ್ಜ್ವಲಾಂಗೀ ಸುಸಂಗೀತಗೀತಾ ಚ ಪಾಯಾದಪಾಯಾತ್ .. 13..

ಇತಿ ತೇ ಕಥಿತಂ ದೇವಿ ನಾಮ್ನಾಮಷ್ಟೋತ್ತರಂ ಶತಂ .
ಗೋಪ್ಯಂಚ ಸರ್ವತಂತ್ರೇಷು ಗೋಪನೀಯಂಚ ಸರ್ವದಾ .. 14..

ಏತಸ್ಯ ಸತತಾಭ್ಯಾಸಾತ್ಸಾಕ್ಷಾದ್ದೇವೋ ಮಹೇಶ್ವರಃ .
ತ್ರಿಸಂಧ್ಯಂಚ ಮಹಾಭಕ್ತ್ಯಾ ಪಠನೀಯಂ ಸುಖೋದಯಂ .. 15..

ನ ತಸ್ಯ ದುಷ್ಕರಂ ಕಿಂಚಿಜ್ಜಾಯತೇ ಸ್ಪರ್ಶತಃ ಕ್ಷಣಾತ್ .
ಸ್ವಕೃತಂ ಯತ್ತದೇವಾಪ್ತಂ ತಸ್ಮಾದಾವರ್ತಯೇತ್ಸದಾ .. 16..

ಸದೈವ ಸನ್ನಿಧೌ ತಸ್ಯ ದೇವೀ ವಸತಿ ಸಾದರಂ .
ಅಯೋಗಾ ಯೇ ತವೈವಾಗ್ರೇ ಸುಯೋಗಾಶ್ಚ ಭವಂತಿ ವೈ .. 17..

ತ ಏವಮಿತ್ರಭೂತಾಶ್ಚ ಭವಂತಿ ತತ್ಪ್ರಸಾದತಃ .
ವಿಷಾಣಿ ನೋಪಸರ್ಪಂತಿ ವ್ಯಾಧಯೋ ನ ಸ್ಪೃಶಂತಿ ತಾನ್ .. 18..

ಲೂತಾವಿಸ್ಫೋಟಕಾಸ್ಸರ್ವೇ ಶಮಂ ಯಾಂತಿ ಚ ತತ್ಕ್ಷಣಾತ್ .
ಜರಾಪಲಿತನಿರ್ಮುಕ್ತಃ ಕಲ್ಪಜೀವೀ ಭವೇನ್ನರಃ .. 19..

ಅಪಿ ಕಿಂ ಬಹುನೋಕ್ತೇನ ಸಾನ್ನಿಧ್ಯಂ ಫಲಮಾಪ್ನುಯಾತ್ .
ಯಾವನ್ಮಯಾ ಪುರಾ ಪ್ರೋಕ್ತಂ ಫಲಂ ಸಾಹಸ್ರನಾಮಕಂ .
ತತ್ಸರ್ವಂ ಲಭತೇ ಮರ್ತ್ಯೋ ಮಹಾಮಾಯಾಪ್ರಸಾದತಃ .. 20..

ಇತಿ ಶ್ರೀರುದ್ರಯಾಮಲೇ ಮಾತಂಗೀಶತನಾಮಸ್ತೋತ್ರಂ ಸಂಪೂರ್ಣಂ ..